Naluwas ang 7 ka mga na missing sa mga sakop sa Philippine Coast Guard, didto sa kadagatan sa Isla Verde, Roxas, Palawan, pasado alas 12:15 kagahapon sa udto, Enero 26, 2024.
Ang PCG’s BRP Melchora Aquino (MRRV- 9702) maoy nihimo sa search and rescue operation.
Dali nilang nahatagan og medical assistance ang mga biktima na naangol sa pagka lunod sa gisakyan niining pumpboat.
Mahimumduman na niadto pang Enero 25, 2024 na missing ang maong bangka na gikan sa Barangay Calandagan paingon sa Poblacion Araceli, Palawan.
Nalunod ang naasoy na pumboat gumikan sa dautan na panahon ug kakusog sa bawod.
Hinuon luwas ra silang tanan ug way nakalas bisan paman sa pipila nila ka oras na nagpa lutaw- lutaw sa kadagatan. (Renante Lada)
(Source: PCG)