Cebu: Dul-an sa usa ka libo ang nakadawat og tabang financial gikan sa kagamhanan sa Dakbayan sa Mandaue

Nagmalampuson ang pag apud-apod sa tabang financial kagahapong adlawa, Marso 22,2023, didto sa Barangay Paknaan, Siyudad sa Mandaue.

Adunay 957 ka mga benepisyaryo sa Barangay Paknaan ang nakadawat og tag P5-Mil.

Gi tambungan kini nila ni Mandaue City Mayor Jonas Cortes, mga Konsehalis sa Siyudad ug Barangay opisyal sa maong barangay.

Segon ni Cortes nga iya gyud paningkamutan ang paghatag og ayuda sa matag Mandauehanon nga nanginahanglan og tabang.

Gikalipay usab kini sa matag benepisyaryo kay dako na kini nga tabang sa ilang pang adlaw-adlaw nga panginahanglanon.

Gilauman usab nga daghan pa nga matabangan sa kagamhanan sa Dakbayan sa Mandaue labi na kadtong mga nanginahanglan. (Renante Lada, photo courtesy of Mandaue City PIO)