Didto sa prisohan magsaulog og bag-ong tuig ang duha (2) ka suspetsado human madakpi pinasikad sa buy bust operation nga gihimo sa Abellana Police Station 2, gipanguluhan ni PMAJ TIMOTHY JIM M ROMANILLOS, hepe sa maong buhatan, niadtong Disyembre 29, 2025 didto sa dalan sa Urgello sakop sa Brgy. Sambag 1 ning Dakbayan sa Sugbo.
Basi sa imbistigasyon ug datos nga nakalap, giila ang suspetsado nga si alyas ‘ENTING’ 33 anyos, nahitala isip high value individual ug lalaki nga kauban niini nga nagpangidaron ug 24 anyos, nahitala isip street level individual diin parehong nasakmitan ug nagkadaiyang pakete sa shabu nga adunay 150 gramos ang timbang nga mukabat sa PHP1,020,000 ang balor ug buy bust money kauban ang usa ka red pouch nga gitoohang container sa maong drogas.
Nag-atubang sa patong-patong nga kasong pagpamaligya ug paghupot ug ginadiling droga ubos sa violations of Secs. 5 and 11 Art 2 of RA 9165 o Comprehensive Dangerous Drugs Act of 2002 ang mga suspek.
Si Cebu City Police Office Officer-in-Charge PCOL GEORGE V YLANAN nidayig sa Abellana Pulis sa ilang malampuson nga operasyon batok iligal nga droga ug kriminalidad ug nipasalig sa publiko nga magpabiling hugot ang kapulisan sa kampanya batok iligal nga droga ug kriminalidad.
Source: CCPO
I via Renante Socia Lada