Tanggong sa prisuhan ang 43 anyos nga lalaki, giila sa alyas ‘JAN-JAN human madakpi pinasikad sa buy bust operation nga gihimo sa Mabolo Police Station 4, gipanguluhan ni PMAJ ERIC C GINGOYON, hepe sa maong buhatan, niadtong Disyembre 29, 2025 didto sa Sitio Univille, sakop sa Brgy. Banilad ning Dakbayan sa Sugbo.
Basi sa imbistigasyon ug datos nga nakalap, ang suspetsado nahitala isip high value individual sa local drug watchlist diin nasakmitan ug 165 gramos nga timbang sa gitoohang shabu nga mukabat sa ₱1,122,000 ang balor ug buy bust money kauban ang usa ka sling bag nga gitoohang container sa maong drogas.
Nag-atubang sa patong-patong nga kasong pagpamaligya ug paghupot ug ginadiling droga ubos sa violations of Secs. 5 and 11 Art 2 of RA 9165 o Comprehensive Dangerous Drugs Act of 2002 ang maong suspek.
Si Cebu City Police Office Officer-in-Charge PCOL GEORGE V YLANAN nidayig sa Mabolo Pulis sa ilang malampuson nga operasyon batok iligal nga droga ug kriminalidad ug nipasalig sa publiko nga magpabiling hugot ang kapulisan sa kampanya batok iligal nga drogas ug kriminalidad.
Source: CCPO
I via Renante Socia Lada