Nadakpan sa Police Regional Office 7 (PRO7) ang duha ka Regional Most Wanted Persons sa gilain-laing operasyon sa Cebu ug Bohol niadtong Hulyo 16, 2026.
Sa Aloguinsan, Cebu, nadakpan si alias “John Paul,” nga Regional Top 7 Most Wanted Person. Gidakop siya tungod sa tulo ka kaso sa statutory rape. Wala usab siyay gitakdang piyansa.
Sa Guindulman, Bohol, nadakpan usab si alias “Hector,” nga Regional Top 6 Most Wanted Person. Giatubang niya ang kaso sa qualified rape of a minor ug lascivious conduct ubos sa Republic Act 7610. Ang kaso sa qualified rape walay piyansa, samtang ang laing kaso adunay piyansa nga ₱200,000.
Sumala ni PRO7 Regional Director PBGen. Arnold E. Abad, padayon ang ilang operasyon aron madakpan ang tanang wanted persons ug madala sila sa hustisya.
Ang duha ka suspetsado anaa na karon sa kustodiya sa kapulisan ug itugyan sa mga korte nga nagpagawas sa ilang warrant of arrest.
📸 PRO7
I via Renante Socia Lada