Padayong gitanggong sa Naga City Police Station and duha ka minor de edad nga nanunggab patay sa Barangay Tanod.
Ang pagpanunggab nahitabo kagahapon sa kadlawon, Oktobre 30,2022, didto sa Purok 1, Sitio Aronix, Barangay Taghagimit, Dakbayan sa Naga, Probinsya sa Sugbo.
Si Danilo Alerta Sr.56 anyos ang panuigon, menyo, residenti rapud sa maong lugar maoy biktima sa maong pagpanunggab patay.
Ang duha ka mga suspetsado nga mga minor de edad puros nagpanuigon og 17 anyos nga nagpuyo rapud sa maong lugar.
Sa gihimo nga imbestigasyon sa Naga City Police Station, nasayran nga adunay karambola nga nahitabo diin nisuway pag uwang si Alerta Sr. apan siya naman hinuon ang gitabangan og dunggab gamit ang tari sa manok nga naigo sa dughan nga maoy hinungdan sa iyang hinalaling kamatayon.
Mga pasado alas 9 sa buntag sa maong adlaw nasikop ang duha ka mga suspetsado pinaagi sa hot pursuit operation sa kapulisan. (Renante Lada)