Nadakpan ang duha ka indibidwal human sa gihimong buy-bust operation sa mga pulis sa Moalboal Municipal Police Station (SDEU) sa Barangay Saavedra, Moalboal, Cebu niadtong mga nakalabay nga adlaw.
Sumala sa report, ang operasyon gihimo sa pakigtambayayong sa Philippine Drug Enforcement Agency (PDEA) isip kabahin sa padayon nga kampanya batok sa ilegal nga drogas.
Ang duha ka nadakpan parehong 26-anyos, usa ka lalaki nga naa sa watchlist sa mga otoridad ug ang iyang kauban nga babaye, nga pareho residente sa Barangay Saavedra.
Nasakmit sa operasyon ang mga sachet nga dunay sulod nga gituohang shabu nga mokabat og 4.35 gramos, nga adunay gibanabana nga kantidad nga ₱41,904.00.
Gidala na sa kustodiya sa kapulisan ang mga suspek samtang nagpadayon ang imbestigasyon sa kaso.
Gipasig-uli usab sa Cebu Police Provincial Office ang ilang pasalig nga ipadayon ang mas lig-on nga kampanya batok sa ilegal nga drogas sa tibuok probinsya.
I via Renante Socia Lada