Nagpadayon ang Cebu City Police Office (CCPO) sa pagpugong sa ilegal nga drogas ug armas sa siyudad ubos sa liderato ni Officer-in-Charge PCOL George V. Ylanan.
Karong adlawa, Marso 31, 2026, mga alas 12:30 sa udto, nasikop sa mga personnel sa Adlaon Police Station 13, nga gipangulohan ni Station Commander PCPT Arnel S. Ancheta, ang duha ka suspetsado tungod sa paglapas sa RA 10591 (firearms law) ug RA 9165 (Comprehensive Dangerous Drugs Act).
Nadakpan ang mga suspetsado samtang naggunit og ilegal nga drogas. Narekober gikan kanila ang mga heat-sealed nga plastic sachet nga adunay puti nga crystalline substance nga gituohan nga shabu, ug usa ka .38 caliber revolver nga walay serial number ug puno sa bala.
Ang gibug-aton sa narekober nga shabu kay mga 2.4 gramos, nga may standard drug price nga ₱16,320.00.
Karon, anaa sa kustodiya sa Police Station 13, CCPO ang mga suspetsado samtang giproseso ang mga angay nga kaso batok kanila.
Source: CCPO
I via Renante Socia Lada