Puros nalandig sa tambalanan ang duha ka mga lalaki nga gipangpusil kagabii,pasado 11:00, Pebrero 8,2023, didto sa Sitio Sadpa, Barangay Sambag 2, Siyudad sa Sugbo.
Ang mga biktima giila sa kapulisan sa Cebu City Police Office, Station 2, nga sila si Jimco Jiron, 27 anyos ang panuigon ug Jerico Catamco, 23 anyos ang pangidaron.
Sa imbestigasyon sa kapulisan pinanguluhan ni Police Major Nolan Tagsip ang hepe sa Abellana Police Station nga ang duha ka mga biktima dili residenti sa naasoy nga lugar og naabot lang kini.
Ang kapulisan nagpaubos pa sa background check sa mga biktima kung wala ba kini nalambigit sa illegal na binuhatan o kaha adunay kontra sa maong lugar.
Dugang imbestigasyon gihimo karon sa kapulisan aron pagsuta kung si kinsa ang responsabli sa maong pagpamusil og unsay motibo niini. (Renante Lada, photo credits to the owner)