Usa ka lalaki ang namatay samtang usa pa ang samaran human sila gipusil sa Barangay Guiwanon, alas 8:30 sa gabii niadtong Mayo 12, 2025.
Ang napatay usa ka hamtong lalaki nga taga-Brgy. Los Angeles, Ubay, Bohol. Siya napusilan sa ulo, dughan, ug hawak, nga miresulta sa iyang hinanaling kamatayon.
Ang ikaduha nga biktima, 42 anyos, minyo, ug lumolupyo sa Brgy. Guiwanon, nasamdan sa tuo nga bukton, tiyan, ug paa tungod sa pagpamusil.
Sa inisyal nga imbestigasyon sa Tubigon Municipal Police Station, giingon nga ang mga biktima uban sa ilang mga kauban sa usa ka bakanteng lote sa maong barangay. Kalit lang mibarog ang usa sa ilang kuyog ug mipusil sa duha ka biktima.
Gituohan sa kapulisan nga personal nga kasuko ang motibo sa krimen, ug posibleng naamong lang ang ikaduhang biktima sa kasamok.
Nagpagawas og mando si PCOL Arnel Balagat Banzon, Provincial Director sa Bohol Police Provincial Office, sa pagpahigayon og Oplan SUMPO KRIMEN pinaagi sa checkpoints ug roadblocks aron masikop ang suspetsado.
Gipasalamatan usab ni PCol Banzon ang Tubigon PNP, nga gipangulohan ni PMaj Neon Francis Alvarez, sa ilang dali nga aksyon sa maong hitabo. Si PLtCol Norman Lobrigas Nuez, tagpamaba sa Bohol PPO, misalig nga ang kapulisan magpadayon sa ilang paningkamot aron makab-ot ang hustisya para sa mga biktima.
I Via Renante Socia Lada