Nagmalampuson ang gihimo nga mga anti illegal drug operations sa mga sakop sa Philippine Drug Enforcement Agency (PDEA-7) diin duha ka mga drug dens ang ilang napuhag.
Sa tulo ka buy-bust operations nga ilang gihimo sugod 4:30 kagahapon sa hapon, Pebrero 4,2023, didto sa Sitio Lutaw-Lutaw, Barangay Tisa ,Dakbayanan sa Sugbo, usa ka drug den ang napuhag og pito ang dinakpan.
Gisundan kini pagka alas 6:30 diin duha usab ang nadakpan didto sa Sitio Tisa, sa susamang Barangay.
Ang ikatulo nga operation ug ikaduha nga drug den nga napuhag didto sa Purok 3, Sitio Pag-iisa, sa mao rang Barangay.
Sa kinatibuk-an 12 ka mga individuals ang nasikop ug duha ka drug dens ang napuhag.
Ubay-ubay usab nga mga pinakiting shabu ang nakuha sa ilang position nga adunay street value nga P836,400.
Gilauman nga daghan pang mga anti-illegal drug operations sa PDEA-7 aron mapuo ang mga durugista ug mga drug dens sa nagkadaiyang lugar. (Renante Lada, photo courtesy of PDEA-7)