Wala nay kinabuhi na niabot sa tambalanan ang duha ka mga sakay sa motorsiklo human na disgrasya sa gisakyan niini.
Ang aksidenti nahitabo pasado alas 7:00 kagabii, Desyembre 15, 2023, didto sa Barangay Garing, lungsod sa Consolacion, Sugbo.
Ang mga nakalas naila sa Consolacion Police Station na sila si Almaveth Oljol Marquez, 18 anyos ang panuigon, driver sa motor, ulitawo, taga Barangay Yati, lungsod sa Liloan ug 16 anyos na usa ka babaye na residenti sa Barangay Pulpogan, Consolacion.
Samtang ang mga nangaangol mao si Lovely Mae Comiso,18 anyos ang pangidaron ug laing tulo ka mga minor na taga lungsod sa Consolacion.
Sa inbestigasyon gikan naligo ang mga biktima sa sapa ug sakay lang sa usa ka motorsiklo na niaagi sa dulhugon na bahin sa maong lugar.
Nawad-an og brake ang maong motorsiklo na maoy hinungdan na nawad-an kini sa kontrol og nibangga sa punu-an sa kahoy.
Sa pagkakaron padayon pa nga gi inbestigar sa kapulisan ang maong aksidenti na nikutlo og duha ka mga kinabuhi. (Renante Lada, photo credits to the owner)