Nikutlo gyud og duha ka kinabuhi ug niangol sa laing pito ka mga tawo ang disgrasya sa usa ka pangpasahero-an na van.
Miyerkulis sa buntag, pasado alas 8:30, Hulyo 26, 2023 didto sa National Highway, Barangay Guibuangan, lungsod sa Barili, probinsya sa Sugbo.
Ang mga nakalas giila sa Barili Police Station nga mao si Irish Omagac, 14 anyos ang panuigon, residenti sa maong lugar, usa ka pedestrian ug Lilibeth Devaras, 58 anyos ang pangidaron, pasahero sa maong van.
Samtang nangaangol usab ang pito ka mga pasahero lakip ang driver nga sila si: Nevelle Anaba Devaras, 66 anyos, Antonio Edson Natividad Enriquez, 26 ang pangidaron, Princess Dawn Sombreo Espina, 27 anyos, Kurt Josh Gevere Mangasi , 28 ang panuigon, Kathlyn Genevere Mangasi , 28 anyos, Kurtly Herera Mangasi , 30 ang panuigon ug Francis Pagatpat, hingkod ang pangidaron, driver sa van nga anaa sa kritikal ang kahimtang.
Sa inbestigasyon sa Barili Police Station nasayran nga ang van gikan sa sugbo nga kusog ang dagan.
Sa pag abot na sa naasoy nga lugar ni over take kini nga ni resulta sa pagka dasmag sa minor de edad nga naglakaw sa naasoy nga lugar.
Gumikan kay kusog ang dagan wala na kontrol sa driver og nibangga usab kini sa kaimito daplin sa dalan nga gikamatay sa usa ka pasahero ug gikaangol sa laing sakay niini.
Sa pagkakaron padayon ang inbestigasyon sa kapulisan samtang giatiman pa usab ang mga nangaangol.
Photo: Barili Mayor John-John Garcia
via Renante Lada
