Cebu City – Gipanglantawan nga dugang mga economic activities ang masinate ug dugang paglugak sa mga restrictions sa umaabot nga adlaw, nonot ning pag improve sa Covid-19 indicators sud sa tulo na ka semana.
Kini ang gipahibaw sa Emergency Operations Center sa Syudad sa Sugbo.
Ang labing bag-ong positivity rate sa syudad naa sa 2.35%; dunay 20 lang ang nag positibo gikan sa 851 nga gi test pagka Oktubre 23.
Mas ubos kini sa World Health Organization threshold nga 5 porsiento.
Ang syudad dunay active cases nga 344 basi sa Oktubre 24, 2021 nga bulletin.
Samtang, gitugtan na sab sa Syudad sa Sugbo ang mga fully vaccinated travelers pagsud sa syudad nga dili na mo presenta ug negative RT-PCR o antigen test.
Sinehan gipaabot nga ablihan
Wala pay gitakdang schedules sa pagbukas sa duha ka dagkong cinema operators sa Sugbo, tungod kay nagpaabot pa kini sa advisory sa ilang headquarters sa Manila ug sa guidelines sa local government units (LGU).
Sa higayon nga mag reopen na kini, himoon nila ang estriktong pagpatuman sa health protocols ug sundon ang bag-ong guidelines nga gilatid sa Covid-19 task force sa goberno.
“We are preparing the cinemas for the implementation of the safety protocols. However, we are still waiting for the LGU guidelines for reopening of the cinemas,” matod ni Bong Dy, Visayas Area head sa Ayala Land Malls Inc.
Samtang ang SM cinemas sa Sugbo, wala pay gitakdang schedule sa pag reopen.
“SM Cinemas will work closely with the LGUs on our reopening. We are prepared to open with strict safety standards for all customers,” pamahayag ni Steven Tan, presidente sa SM Supermalls
Kahinumduman nga ang mga sinehan o movie theaters sa Sugbo, gisirado sud sa kapin na sa usa ka tuig ug tunga gumikan sa padayon nga Covid-19 pandemic.
Ang Inter-Agency Task Force for the Management of Emerging Infectious Diseases (IATF) mipa-ubos sa tibook Cebu Island sa Alert Level 2 hangtud sa Oktubre 31, 2021.
Ubos sa maong alert level, lakip sa mga gitugtan nga economic activities ang pagbukas sa cinema o movie houses.
Kutob lang hinoon sa 50 porsiento sa seating capacity sa indoor cinema ang gitugot, samtang 70 porsiento sa outdoor venues.
(Source: Emergency Operations Center-Cebu City)