Nakabsan gyud sa kinabuhi ang usa ka driver sa tricycle human gipusil sa lalaki nga sakay sa iyang gimaniho.
Ang krimin nahitabo pasado alas 12:00 kagahapon sa udto, Agosto 1, 2023, didto sa usa sa mga gasoline station nga nahimutang sa Sitio Laray, Barangay San Roque, siyudad sa Talisay.
Giila ang biktima sa Talisay City Police Station nga mao si Mark Repuela Labalan, 37 anyos ang panuigon, residenti sa Sitio Tagunol, Barangay Cogon Pardo, dakbayan sa Sugbo.
Sa inbestigasyon sa kapulisan sa Talisay City Police Station nasayran nga ang biktima namasahero atong higayuna diin padulong na unta kini magpatubil sa motor apan gipusil sa iyang pasahero.
Naigo ang biktima sa iyang tangkugo na maoy hinungdan sa iyang hinalalaing kamatayon.
Sa pagkakaron gisusi pa sa kapulisan ang mga CCTV footage sa maong lugar aron pag ila sa mamumuno.
Susihon usab kung wla bay kalambigitan ang pagpamusil patay ang kanhi nga pagkalambigit sa ginadiling drugas ni Labalan. (Renante Lada)