Wala nay kinabuhi nga nakit-an ang usa ka lalaki, ubos sa pang-pang human kini mahulog sa sityo santol, Kampo 4 Talisay kaganihang kadlawon.
Ang biktima naila sa iyang lisensya nga si Benjie Acruz 23-anyos lumad taga Pinamungahan ug taga Kalunasan, Cebu City.
Pasiuna nga nasayran nga gikan pa ug Pinamungahan ang biktima ug mopauli balik sa siyudad.
Mga batan-on ang unang naka report sa Barangay pasaso alas 4:00, Nobyembre 1, 2024 sa kadlawon.Mga sakop sa Local Disaster ug Barangay Disaster anag mi responde ug mikuha sa biktima dool na sa sapa.
Si Jonathan Tumulak, pangu sa City of Talisay Traffic Operations and Development Authority (CT-TODA), niingon nga pipila ka mga batan-on ang nangangkon nga nakakita nila ni Acruz nga nagmaneho sa dalan paubos sa pangpang niadtong Biyernes sa buntag.
Dugang pa niya nga adunay posibilidad nga nadasmag ang iyang motorsiklo hinungdan nga natagak siya sa pangpang daplin sa dalan.
Nasuta sa mga otoridad nga adunay tubig sa dalan nga gikan sa ibabaw nga pangpang.
Dugang pa, si Acruz nagbiyahe sa usa ka kurbada nga dalan nga kasagaran lisud nga maniobrahon sa mga motorista nga dili pamilyar sa lugar.
Matod ni Tumulak nga dili kini ang unang higayon nga natagak ang mga motorista sa pangpang daplin sa dalan sa maong dapit. Dugang pa, usa ka bahin sa Manipis Road sa Camp 4 ang gisirad-an niadtong Oktubre 2 human ang pagdahili sa yuta mitabon niini sa yuta ug debris.
Segon ni Tumulak nga adunay nagpadayon nga proyekto ang Department of Public Works and Highway (DPWH) sa pagbutang og mga signage daplin sa karsada kay delikado kini sa disgrasya.
Sa pagkakaron gilusad na ang imbestigasyon aron masuta kung unsa ang hinungdan sa pagkamatay ni Acruz. (Renante Socia Lada)
(Source: CT-TODA)