Ubay-ubay na nga mga drayber ang nadakpan sa Cebu City Transportation Office (CCTO) nga niabot na sa 190 ka traffic citation ticket ang na-issue sukad niadtong Oktubre 31, 2024 .Si Raquel Arce, Cebu City Transporation Office head, nipahibawo nga 60 niini ang na-issue kagahapong adlawa.
Dugang sa mga citation, tulo ka mga sakyanan ang na-clamp, ug usa ka motorsiklo ang luwas nga na-secure. Kagahapon, ang CCTO niisyu og 124 ka citations, ug isip kabahin sa ilang pagpatuman, lima ka mga motorsiklo ang gibutang usab sa safekeeping. Dugang pa, siyam ka lamesa ug 15 ka monoblock chairs ang gikumpiska tungod sa pagbabag sa kadalanan.
Ang CCTO nagpadayon sa paghatag gibug-aton sa kamahinungdanon sa pagsunod sa mga regulasyon sa trapiko aron masiguro ang kaluwasan ug kahapsay sa publiko sa mga karsada.
Gilauman nga pahugtan pa ang pagpatuman sa balaod sa trapiko sa adlaw sa mga Kalag aron pagseguro nga hapsay ug nindot ang dagan sa kadalanan sa siyudad sa Sugbo. (Renante Socia Lada)
(Source: Cebu City PIO)