Cebu City – Gilusad sa Department of Health-7 ang ceremonial activity alang sa Community Catch-Up Immunization Program, Sabado, Oktubre 23, 2021.
Tipik kini sa paningkamot sa DOH sa pagpa increase sa immunization coverage rate sa mga kabataan karong tuiga.
Basi sa data, ang Central Visayas naka kuha lang ug 20 porsiento sa immunization coverage rate alang sa vaccine-preventable disease.
Kini maoy labing ubos nga nakab-ot sa rehiyon sukad.
Subay niini, giawhag ni Dr. Jaime Bernadas , DOH-7 director, ang mga ginikanan nga pabakunahan ang ilang mga anak batok sa polio, measles, tetanus, ug ubang vaccine-preventable diseases.
Gibasol sa mga eksperto sa panglawas ang misinformation ug false claim nga mikatap sa internet, particular na sa social media.
Gikonsidera kini nga usa sa labing dako nga rason ngangong nagduha duha ang mga ginikanan sa pagpa bakuna sa ilang mga bata.
Dugang awhag ni Dr. Bernadas nga adto motoo sa mga health workers, doktor, nurses, midwife ug nga barangay health workers, dili sa bakak sa social media.
(News & photo courtesy of Department of Health-7)