Nikalas og usa ka kinabuhi ug niangol og duha ka mga tawo ang nahitabong disgrasya sa sakyan didto sa Medellin Ailse Barangay Curva, lungsod sa Medellin, Sugbo, pasado alas 11:00 sa buntag, September 10,2024.
Naglambigit kini sa usa ka Mitsubishi Adventure ug motorsiklo, diin ang nakalas giila sa Medellin Police Station na mao si Randy Batican , 60 anyos ang panuigon, biyudo ug residenti sa Sitio Makahilo Baranga .Consuelo, lungsod sa San Francisco, Isla sa Camotes, Sugbo.
Naila usab ang mga nangaangol nga mao sila si; Aljun Endac Amang, 27 anyos ang pangidaron, taga Sitio Bangkal Barangay Dayhagon, sa mao ra nga lungsod, nagmaniho sa motorsiklo ug Ulysses Chiiong Mangubat Jr., 43 anyos ang pangidaron, menyo, NUP sa Coast Guard ug residenti sa Poblacion Daan Bantayan, Sugbo.
Sa imbestigasyon sa Medellin Police Station nga gidasmagan sa maong SUV ang motorsiklo nga dunay sakay sa maong lugar, sa kakusog sa dagan nalahos kini gawas sa karsada.
Ang kapulisan padayon pa sa ilang imbestigasyon kalabot sa maong aksidenti nga nikalas og kinabuhi ug niangol og mga tawo. (Renante Lada and Ting Joe Pepito)