Gidakop sa mga tinugyanan sa kapulisan sa Mainit an 46 anyos na babaje human kini nangawat nan kwarta sa ija gitrabahuan sa Deniel’s Store Setyembre 11, 2024 sa Purok 1, Brgy. Magpayang, Mainit, SDN sa alas 11:42 an takna sa buntag.
Giila an suspek nga si Marites Ramis Araneta, 46 anyos na babaje, menyo,, cashier, residente sa Purok Sampaguita, Brgy. Roxas, Mainit, Surigao del Norte
Sa imbestigasyon nasayran nga kita sa CCTV footage an pagkuha nan kwarta sa cash drawer nan suspek samtang gimonitor sa reklamante nga si Edna Viray Bagayas pinaagi sa apps sa cellular phone.
Human sa krimen, gikontak sa reklamante an ija anak nga si Deniel Viray Bagayas kinsa gireport dajun sa kapulisan sa Mainit mga miresulta sa pag aresto sa suspek.
Pasakaan ug kasong Qualified Theft an suspek ug jaon kuman sa kustodiya sa Mainit MPS. (Mark James Lisondra)