30.9 C
Manila
Friday, March 29, 2024

Cebu: DILG Lapu-Lapu Mangayo Ug Imbentaryo Sa Mga Barangay Officials, Mga Workers Nga Wala Pa Ma Bakunahi; Kadtong Wala Magpa Bakuna Nga Way Igong Rason Manubag

- Advertisement -

Cebu City – Mangayo ug inventory ang Department of Interior and Local Government-Lapu-Lapu City (DILG) sa mga barangay officials ug mga workers nga wala pa ma bakunahi sa 30 ka mga barangay sa syudad.

Visit RPN DYKC Cebu

“We will request them to formally explain why they don’t like to be vaccinated, para makabalo ta unsay ilang mga rason,” pahibaw ni City DILG head Jonah Pino atubangan sa mga barangay officials ug mga workers atol sa “RESBAKUNA Townhall Gathering sa Dakbayan sa Lapu-Lapu”.

Gibutyag sa mga speakers sa maong tigom nga ang mga barangay officers mamahimong dunay tulubagon nga dereliction of duty kung mo dumili sila pag promote sa vaccination program sa gobyerno ug magpabilin sila nga way bakuna sa walay igo nga rason.

Sa maong tinguha “Beating the COVID-19 Pandemic Through Vaccination,” ang mga hiniusang ahensya sa goberno mi imbetar sa mga barangay kapitan, mga konsehal, health workers, SK chair and councilors, senior citizen representatives, faith-based organization, vendors, driver associations, DepEd ug academe sa town hall gathering.

Milangkob sa mga mamumulong ang gikan sa Department of Health (DOH), Public Information Agency (PIA) ug Lapu-Lapu City Government.

Gi-awhag nila ang kabarangayan, community ug organization leaders pagpalapad sa COVID vaccination, aron malakip kadtong wala pa ma bakunahi karong panahona.

Gi-angkon sa speakers gikan sa DOH nga bisan sa vaccination rate sa syudad, ang mga senior citizen sa dakbayan uwahi kung itandi sa ubang mga LGUs.

Si Lapu-Lapu City vaccine czar, Atty. James Sayson, kinsa mi represent ni Mayor Junard “Ahong” Chan, nagkanayon nga kinahanglang i sustain ang ilang intensity sa vaccination forefront.

Gipahibaw ni Sayson nga ang Syudad sa Lapu-Lapu maoy labing una sa Visayas nga dunay mobile vaccination bus; labing una sab nga naka pabakuna sa 12 ngadto sa 17 anyos nga mga kabataan.

Dugang gipaambit ni Sayson nga nakab-ot sab sa syudad ang labing taas nga porsento sa nabakuhan sa mga eligible population.

Sa maong tigom nga gipahigayon sa Eloisa Hotel, naka higayon ug pang bakuna ang Medical Team ngadto sa mga barangay kapitan, mga barangay konsehal ug SK officers kinsa mi boluntaryo nga mabakunahan.

Ang maong town hall gathering gitinguha sab aron ma andam ang mga community leaders ug community organizers alang sa umaabot nga vaccination day sa Nobyembre 29 hangtud sa Disyembre 1.

Human sa maong kalihukan, gisaad sa mga community, government officials ug  speakers gikan sa government agencies nga motabang sa pag promote sa vaccination program sa gobyerno.

Gipirmahan nila ang commitment, “Panumpa sa Kaakohan ug Pagpakabana.”

(News & photos courtesy of Lapu-Lapu City PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -