Nag viral ang usa ka graduation rites sa didto dabkayan sa Lapu-Lapu, human ang Marigondon National High School, pampublikong tunghaan, nihimo sa ilang seremonya sa graduation oras sa kadlawon.
Segon sa viral post ni Fritz Marwin nga mga pasado alas 3:00 sa kadlawon, Mayo 29, 2024, gihimo ang maong graduation rites, didto sa Hoops Dome, Brgy. Gun-Ob, sa maong Siyudad.
Sa maong talagsaon nga orasa sa graduation naka ani kini og nagkadaiyang mga reaction sa netizen, daghan ang nakurat ug nakasaway niini kay alas 12:00 palang sa tungang gabii nag andam na ang mga tinun-an para muadto sa venue.
Ang Department of Education sa Central Visayas (DepEd 7), pinaagi ni DepEd 7 Director Salustiano Jimenez, mohimo og imbestigasyon sa maong kalihukan tungod kay wala siya nagpagawas og kamandu-an na himuon kini sa maong oras.
“Goodmorning Marigondon National High School okay ramo pamahaw ang celebration sa inyong moving up? Hello DepEd Philippines is it morally right to commence a moving up ceremony at 3 a.m?”, segon sa uploader nga si Fritz Marwin.
Mahinomduman nga ang DepEd Memorandum 23, series of 2024, nagbutyag nga matapos ang pagtungha karong tuiga taman Mayo 31, 2024.
Bisan sa maong takna nga daghan pa ang gipang duka apan sa laing bahin napuno sa kalipay ang mga tinun-an, ginikanan ug mga magtutudlo sa maong kalampusan. (Renante Lada | Ting Joe Pepito)