Wala nag dahom ang usa ka Dentista na ang iyang yanong adlaw mahimong mangit-ngit human lugita nag iyang duha ka mga mata sa wala matino na mga suspetsado.
Ang krimin nahitabo pasado alas 3:00 sa hapon, Hulyo 5, 2023, didto sa iyang klinika na nahimutang sa Queens Road, Barangay Kamputhaw, siyudad sa Sugbo.
Giila sa Abellana Police Station ang biktima nga mao si Dr. Charles Sia, residenti sa Santo Nino Village, Brgy. Banilad, sa mao ra nga dakbayan.
Sa inbestigasyon sa kapulisan sa Cebu City Police Office, Station 2, na samtang naa sa iyang clinic ang Doktor kalit kining gisulod sa duha ka mga lalaki nga luwan sa motorsilo dayon gilugit ang duha ka mga mata niini.
Nasayran usab nga niingon pa ang usa sa mga suspetsado ngadto sa Doktor nga “Dako kaayo ka og atraso sa akoa.”
Ang kapulisan nag susi pa karon sa mga kuha sa CCTV sa maong lugar aron pagtino sa mga suspetsado ug pag establisar kung unsay motibo krimin. (Renante Lada)