Nasikop sa kapulisan sa Bohol ang usa ka dakong drug lord sa usa ka malampusong buy-bust operation niadtong Hulyo 24, 2025, sa Barangay Dampas, Tagbilaran City. Gibanabana nga kapin ₱6.9 milyon ang kantidad sa shabu nga ilang nakumpiskar.
Sumala sa report, ang operasyon gihimo sa Provincial Drug Enforcement Unit (PDEU), Tagbilaran City Police Station, ug PDEA-Bohol human makadawat og kasayuran nga gi-verify og tarong. Nadakpan ang 44-anyos nga suspetsado nga giila nga usa ka bigtime drug lord.
Nakuha gikan sa suspek ang usa ka medium sachet nga gigamit sa buy-bust, dugang nga tulo ka medium sachets, napulo ka dagkong plastic packs nga gituhuang shabu, kwarta sa buy-bust, cellphone, sling bag, ug pula nga Honda Wave nga motorsiklo. Gibanabana nga 1,025 gramos ang total timbang sa nakuha nga iligal nga drogas.
Gipasidunggan ni Police Brigadier General Redrico A. Maranan ang Bohol police ug ang PDEA-Bohol.
“Every gram of shabu we take off the streets is a blow against the drug networks that prey on our communities. I commend the Bohol police and our PDEA counterparts for their precision, dedication, and teamwork. This is how we build safer and stronger communities through relentless action and shared resolve,” pamahayag ni PBGen. Maranan.
Ang mga nakumpiskar nga ebidensya gidala sa Bohol Provincial Forensic Unit para sa laboratory test. Ang suspetsado anaa na sa kustodiya sa Tagbilaran police samtang nag-andam og kaso batok niya ubos sa Republic Act 9165 o ang Comprehensive Dangerous Drugs Act of 2002.
Nagpadayon ang PRO7 sa kampanya batok sa iligal nga drogas isip suporta sa panawagan sa PNP Chief ug sa tumong nga mahimong luwas ug progresibong ang Bagong Pilipinas.
Source: PRO7
I via Renante Socia Lada
#rpndykccebu
#675hzamband
#tandemexpress