Nausab ang dagway sa Transcentral Highway (TCH) sa buntag sa Domingo, Disyembre 7, 2025, human kini maigo sa grabe nga pag-uwan nga gidala sa Tropical Depression Wilma. Dakong bahin sa dalan ang mihugmak, hinungdan sa peligro sa mga motorista nga misulod sa maong ruta.
Makita ang klarong pagkagisi sa dalan diin halos katunga sa karsada ang nalubong ug nahugno. Usa ka sakyanan ang misalirong paingon sa lawom nga bahin ug nahulog sa ubos, base sa footage nga gipang-share sa mga residente.
Matod sa mga nakasaksi, swerte ang drayber ug mga sakay sa maong awto kay walay nangaangol. Dali silang natabangan sa mga residente nga nakakita sa insidente ug giluwas gikan sa natukob nga parte sa kalsada.
Padayon nga gi-assess sa mga otoridad ang lawom nga kalagot sa dalan ug ang posibilidad nga adunay uban pang bahin sa TCH nga naay structural weakening tungod sa padayon nga ulan. Gitambagan usab ang mga motorista nga likayan ang maong dalan samtang nagpahigayon og pag-ayo ug inspeksyon ang DPWH ug lokal nga gobyerno.
Gihangyo ang publiko sa pag-amping ug pagmonitor sa advisories aron malikayan ang aksidente ug dugang kadaot.
📸 Contributed
I via Renante Socia Lada