Niadtong Pebrero 28, 2026, ang Cebu City Police Office nagpahigayon og synchronized operation uban ang tanang istasyon ug yunit aron ipatuman ang mga lagda sa RA 4136 o “Land Transportation and Traffic Code,” Joint Administrative Order 2014-01, ug uban pang may kalabutan nga traffic laws aron mapalig-on ang kaluwasan sa kalsada sa siyudad.
Resulta sa operasyon, daghang motorsiklo ang na-impound ug gihatagan og TOP o citation tickets. Ang tanang na-impound nga motorsiklo gikan sa nagkalain-laing istasyon gi-dokumento og husto ug gi-transfer sa Cebu City Police Office aron i-consolidate ug dad-on sa LTO Talisay City impounding area.
Gihangyo sa Cebu City Police Office ang publiko nga i-report dayon ang bisan unsang dili maayo nga binuhatan sa personnel nga ilang makita atol sa operasyon aron matutukan ug ma-aksyunan kini sumala sa balaod.
Ang kapulisan nagpabilin nga committed sa transparency, accountability, ug professionalism sa pagserbisyo sa katawhan ug sa kaluwasan sa dalan.
Source: CCPO
I via Renante Socia Lada