30 C
Manila
Wednesday, April 24, 2024

Cebu City Misugod Na Sa Ug Pagpang Bakuna Sa A4 Karong Adlawa; NOAH Complex Unang Adlaw Nga Gamiton Isip Vaccination Site

- Advertisement -




Cebu City -Misugod na karon ug pang bakuna sa A4 priority group sa Syudad sa Sugbo human pipila ka adlaw nga pagpaabot.

Gikompirma ni Cebu City Health Department (CHD) officer-in-charge Doctor Jeffrey Ibones nga nagsugod na sila sa pagpang schedule sa mga individual nga nalakip sa A4 priority group, karong adlawa, Huwebes, Hunyo 24, 2021, ning pagbalik sa vaccination roll-out.

Ang syudad bag-o lang nakadawat ug 5,000 ka Sinovac vaccines kabahin gikan sa 20,000 ka doses nga alang sa Metro Cebu alang sa A4 group.

“Pwede na ni nato sa A4…so magsugod na tag text sa A4 para sa ilang schedule sa vaccines. Siguro ato silang daghanon kay dugay na ra ba sila naghuwat,” matod ni Ibones.

Ablihan karong adlawa ang tanang lima ka mga vaccination sites-University of Cebu Banilad ug Senior High Campus, Robinsons Galleria, SM Seaside ug NOAH Complex sa South Road Properties (SRP).




Tungod kay una kining higayon nga gamiton ang NOAH Complex vaccination site, sigon pa ni Ibones nga nakig-coordinate sila sa management alang sa mga bus nga maoy sakyan sa mga indibidwal padung sa site ug sa ila nang pag-uli.

Gibutyag ni Ibones nga mokabat ug 40,000 ka A4 individuals ang naka pa rehistro na sa vaccination program, ug nangandam na ang kagamhanan sa pagbalik sa roll-out sa maong priority group.

Gitakdang mahuman sa syudad ang pagpang bakuna sa kapin 5,000 ka mga vaccines sud sa pipila ka adlaw, sa ilang target nga 500 ngadto sa 1,000 nga mabakunahan matag adlaw. (Jhon Tadlip/JTY)

(Source: Cebu City Health Department, photos courtesy of Cebu City PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -