Nakadawat si Cebu Governor Pamela Baricuatro og halangdong pasidungog gikan sa Harvard Kennedy School (HKS) Alumni Association of the Philippines tungod sa iyang matinud-anon ug malungtarong pagserbisyo sa gobyerno sa Republika sa Pilipinas. Gihatag kaniya ang award atol sa 2025 Bureaucrats’ Ball nga gipahigayon sa Quezon City niadtong Huwebes, Nobyembre 20, 2025. Ang maong pasidungog ginahatag matag tuig sa mga HKS graduates nga nalakip sa serbisyo publiko, pinili man o gi-appoint.
“Thank you to my fellow alumni for this award and for the ongoing encouragement to serve with integrity and dedication,” segon ni Governor Baricuatro.
Ikaduhang higayon na kini nga nadawat niya ang maong dungog. Una siyang gipasidunggan sa asosasyon sa dihang gitudlo siya isip miyembro sa National Level Board of Directors sa Land Bank of the Philippines.
Sa seremonya, iyang gisulti nga naay kauban nga nangutana unsa ang iyang gibati nga giila siya sa iyang mga ka-alumni. Mitubag siya, “It sinks in more than ever: I must serve the Cebuanos even more.”
Iyang gidugang ang usa sa iyang gidalang leksyon gikan sa Harvard: ang pagpaningkamot nga makahimo og kausaban sa bisan unsang buhaton. Gipasabot usab niya nga padayon siyang mapadasig sa bantog nga panultihon ni JFK:
“One of the timeless teachings from Harvard that I carry with me is to make a difference in anything that you do. And the famous line from JFK, ‘Ask not what your country can do for you; ask what you can do for your country”—continues to inspire me. That’s why I make it a point to attend this yearly event; it reinforces the principles I learned at Harvard’,” segon niya.
Si Governor Baricuatro mitungha sa usa ka formal nga programa sa public administration sa Kennedy School of Government sa Harvard University sa Estados Unidos.
Source: Cebu Province PIO
I via Renante Socia Lada