Nangulo si People’s Governor Pamela Baricuatro sa pagbukas sa duha ka adlaw nga Medical ug Surgical Mission nga gihimo karon sa Cebu Provincial Hospital sa Danao City.
Si Dr. Nikki Catalan, Piso Capitol Consultant for Health, nagpasalamat sa Chong Hua Hospital, University of Cebu Medical Center, ug Cebu Medical Society nga kauban sa Kapitolyo alang sa ikaduhang hugna sa maong medical-surgical mission.
Gipasalamatan usab ni Gob. Pam ang suporta ug pakigtambayayong sa mga opisyal sa Danao City nga gipangulohan ni Mayor Ramon “Nito” Durano III ug Vice Mayor Ivy Durano, uban pa sa 5th District Board Members nga sila Mike Villamor ug Red Duterte, ug sa uban pang mga mayor sa distrito.
Gipangayo usab niya ang pasalamat sa Sheridan Marketing Inc. sa ilang donasyon nga mga wall fan nga ipang-apod-apod sa mga Kapitolyo-run provincial hospitals sa mga siyudad sa Danao, Carcar, Bogo ug sa lungsod sa Balamban.
Source: Cebu Province PIO
I via Renante Socia Lada