Gipahimangnuan ni Cebu Governor Pamela Baricuatro ang katawhan sa Cebu nga dili magkumpiyansa bisan pa nga dili mo-landfall ang Bagyong Uwan sa probinsya, basi sa PAGASA.
Sa iyang mensahe, giingon sa gobernadora nga tungod sa kusog ug lapad nga coverage sa bagyo — nga gibanabana nga moabot sa super typhoon category, kinahanglan nga magbantay gihapon ang tanan ug andam sa posibleng epekto sama sa kusog nga hangin ug pagbaha.
Matod pa ni Gov. Baricuatro, gimando dayon ang preemptive evacuation kung ang Cebu ipailalom sa Signal No. 2, aron malikayan ang kadaot nga dala sa bagyo.
Gihangyo usab niya ang publiko nga maminaw ug mosunod sa mga pahimangno sa lokal nga panggamhanan ug dili maghulat nga magkagrabe pa ang panahon sa dili pa mangandam.
“Mas maayo nga mag-amping daan kaysa magmahay unya,” dugang pa sa gobernador.
Source: Capitol PIO
I via Renante Socia Lada