Nagpahigayon og coordination meeting ang Cebu City Police Office karong Marso 24, 2026 aron mapalig-on ang kampanya batok sa pagpangawat sa mga mall ug ubang commercial establishments sa Cebu City.
Ang tigum gipangulohan ni PLTCOL Franco Rudolf Z Oriol ug gitambongan sa mga security managers ug personnel gikan sa nagkadaiyang establisyemento. Gipasiugda sa maong panagtigum ang kamahinungdanon sa lig-on nga koordinasyon, pagpaambit sa impormasyon, ug pagpatuman og aktibong mga pamaagi sa seguridad tali sa kapulisan ug pribadong security sector.
Matod pa ni PCOL George V Ylanan, padayon ang paningkamot sa CCPO sa pagseguro sa kaluwasan sa publiko ug proteksyon sa mga negosyo pinaagi sa lig-on nga panag-uban ug padayon nga presensya sa kapulisan sa komunidad.
Ang maong inisyatiba kabahin sa mas lapad nga kampanya aron mapugngan ang krimen ug masiguro nga luwas ang mga establisyemento alang sa mga kustomer ug negosyante sa siyudad.
Source: CCPO
I via Renante Socia Lada