Padayon ang Cebu City Police Office (CCPO) sa pagpanguna ni PCOL Enrico Evangelista Figueroa, sa ilang hugot nga kampanya batok sa krimen ug iligal nga drogas, nga misangpot sa pagkasikop sa 61 ka suspek ug pagkasakmit sa ₱1.7 milyon nga kantidad sa shabu.
Gikan Oktubre 13 hangtod 19, 2025, gipahigayon sa CCPO ang sunod-sunod nga operasyon batok sa mga drug personality, mga armas nga walay permit, ug mga wanted persons. Tungod niini, 11 ka tawo nga dunay warrant of arrest ang nadakpan sa lain-laing mga lugar sa dakbayan.
Sa 55 ka operasyon nga gipahigayon sa tibuok siyudad, 50 ka suspek ang nadakpan tungod sa kalabotan sa iligal nga drogas ug dili awtorisado nga pagpanag-iya og armas.
Gikumpiskar usab ang gibanabana nga 1.7 milyon pesos nga kantidad sa shabu, nga dakong kadaot sa operasyon sa lokal nga drug network.
Nasakmit usab sa kapulisan ang 7 ka iligal nga armas gikan sa mga armado nga suspek, aron malikayan ang hulga sa seguridad sa komunidad. Kini nga kalampusan nagpakita sa padayon nga pagsuporta sa direktiba sa Police Regional Office 7 (PRO-7) ubos sa pagdumala ni PBGEN Redrico A. Maranan, aron mapalig-on ang kalinaw ug kahapsay sa dakbayan.
“These operations are a clear demonstration of our commitment to proactive policing, community protection, and the relentless pursuit of criminals,” said PCOL FIGUEROA. “We will continue to uphold the law without fear or favor to ensure a safer Cebu City for all, segon ni PCOL Figueroa.
Nagpabilin nga lig-on ang CCPO sa ilang misyon nga protektahan ang katawhan, ipatuman ang balaod, ug makab-ot ang pagsalig sa publiko pinaagi sa intelihenteng mga operasyon ug kooperasyon sa komunidad. Gipangayo usab sa CCPO ang tabang sa mga tawo nga motaho dayon kon adunay mga kadudahang kalihokan sa ilang lugar.
Source: CCPO
I via Renante Socia Lada