Misalmot ang mga kapulisan sa Cebu City Police Office (CCPO) sa pagsugod sa selebrasyon sa Fire Prevention Month 2026 kagahapon Marso 1, 2026 sa Bureau of Fire Protection Regional Office 7.
Ang kalihokan gihimo ubos sa giya ni PCOL George Villarta Ylanan. Mitambong usab si PLTCOL Jose B. Los Baños, Chief sa City Community Affairs and Development Unit, uban sa mga pulis gikan sa nagkalain-laing police stations sa siyudad aron magrepresentar sa CCPO.
Gitambongan ang seremonya ni Mayor Nestor D. Archival, Mayor sa Cebu City, uban sa mga representante gikan sa Department of the Interior and Local Government, Cebu City Disaster Risk Reduction and Management Office, Bureau of Jail Management and Penology, mga fire volunteers sa barangay, ug mga personnel sa BFP Region 7.
Human sa programa, nagmotorcade ang mga partisipante sa dagkong kadalanan sa Cebu City aron ipa-abot ang kahibalo bahin sa kaluwasan kontra sunog.
Nag-apod-apod sila og impormasyon ug nagpahinumdom sa mga residente ug negosyante sa mga paagi sa paglikay sa sunog.
Sumala sa CCPO, ang ilang partisipasyon nagpakita sa ilang lig-on nga suporta dili lang sa pagpatuman sa balaod kondili usab sa pagpalig-on sa kultura sa kaluwasan, pag-andam, ug panaghiusa sa katawhan sa Cebu City.
Source: CCPO
I via Renante Socia Lada