Gipasakaan na og mga kasong kriminal sa Cebu City Police Office (CCPO) ang drayber nga giingong nalambigit sa hit-and-run nga insidente diin grabeng naangol ang usa ka traffic enforcer sa Cebu City Transportation Office (CCTO).
Karong Hulyo 3, 2026, gihimo ang inquest proceedings batok sa suspek. Giatubang niini ang mga kasong Direct Assault upon an Agent of a Person in Authority, Attempted Murder, Physical Injuries, ug Abandonment of One’s Own Victim. Sa pagkakaron, nagpabilin siyang gitanggong sa Traffic Enforcement Unit sa CCPO samtang naghulat sa desisyon sa piskalya.
Samtang nagpadayon ang kasong kriminal, nagsugod usab og laing administratibong kaso ang Land Transportation Office (LTO) Region 7 aron bawi-on ang driver’s license sa suspek ug ipa-flag ang sakyanang gigamit sa insidente.
Matod ni Acting City Director PCOL Ricky C. Sumalde, ang dali nga pagpasaka sa kaso nagpakita nga seryoso ang kapulisan sa pagpanalipod sa mga traffic enforcer ug uban pang mga kawani sa gobyerno nga nagtuman sa ilang katungdanan. Dugang pa niya nga patubagon sa balaod ang responsable sa maong hit-and-run nga insidente.
📸 CCPO
I via Renante Socia Lada