Mas gipakusgan pa sa Cebu City Police Office (CCPO) ubos sa pagdumala ni Acting City Director Police Colonel Enrico Evangelista Figueroa ang ilang kampanya batok sa kriminalidad aron mapalig-on ang kalinaw ug seguridad sa siyudad.
Sa operasyon nga gihimo gikan Oktubre 3 hangtod 9, 2025, nadakpan ang 17 ka tawo nga adunay warrant of arrest ug 57 ka suspetsado sa kalapasan sa balaod sama sa paggamit ug baligya sa drogas, iligal possession of firearms, ug illegal gambling.
Gikumpiskar sa kapulisan ang suspek nga shabu nga gibanabana og kantidad nga ₱1.7 milyon, ug unom ka armas nga wala’y lisensya, nga gikuha gikan sa mga suspetsado sa nagkalain-laing barangay sa siyudad.
Matod ni PCOL Figueroa, kini nga mga operasyon nagpakita sa tinuoray nga paningkamot sa CCPO aron mapanalipdan ang katawhan ug mapugngan ang kriminalidad.
Ang operasyon gihimo subay sa direktiba ni Police Regional Office 7 (PRO-7) Regional Director PBGEN Redrico A. Maranan aron masiguro nga magpabilin nga luwas ug malinawon ang Cebu City. Gihangyo usab sa CCPO ang publiko nga magtinabangay pinaagi sa pagreport sa bisan unsang kahibulongang kalihokan sa ilang lugar.
Source: CCPO
I via Renante Socia Lada