Malampusong napadayon sa Cebu City Police Office (CCPO) ang kalinaw ug kahapsay sa tibuok dakbayan atol sa ikalimang State of the Nation Address (SONA) ni Presidente Ferdinand R. Marcos Jr. karong Hulyo 27, 2026. Gipangulohan ang operasyon ni Acting City Director PCOL Ricky C. Sumalde.
Sumala sa CCPO, epektibo ang pagdeploy sa mga kapulisan, maayong koordinasyon sa ubang ahensya sa gobyerno, ug husto nga pagpatuman sa mga lakang sa seguridad aron masiguro ang kaluwasan sa publiko. Girespetar usab ang katungod sa mga tawo nga magpahigayon og malinawon nga panagtigom.
Gihimo sa kapulisan ang ilang mga buluhaton uban ang taas nga lebel sa pagkamatinumanon, propesyonalismo, ug pagsunod sa gitakdang police operational procedures. Tungod niini, nagpabiling malinawon ug walay nahitabong dili maayong insidente atol sa SONA.
Miingon ang CCPO nga ang malampusong operasyon usa ka timaan sa ilang padayon nga paningkamot sa pag-alagad ug pagpanalipod sa katawhan sa Cebu City, ug sa pagmintinar sa kalinaw ug kahapsay sa komunidad.
I via Renante Socia Lada