Atol sa regular nga flag-raising ceremony sa City Government of Dapitan niadtong Hulyo 27, gipahibalo ni Persons with Disability Affairs Office (PDAO) Head Amiel Sagario ang umaabot nga culmination sa National Disability Rights Week karong Hulyo 30, 2026, sa Jose Rizal Memorial State University (JRMSU) Gymnasium.
Gitumong sa maong kalihokan ang paghatag og mas dakong pagtagad sa mga katungod, kaayohan, ug partisipasyon sa Persons with Disability (PWDs) sa komunidad.
Gilauman usab nga mahimong higayon ang selebrasyon aron mapalig-on ang panaghiusa ug kolaborasyon tali sa mga PWDs, lokal nga panggobyerno, ug mga stakeholder sa pagpalambo sa usa ka mas inklusibo nga komunidad.
Samtang, gipahinumdoman ni OIC City Administrator Danilo S. Areños, Jr. ang mga empleyado nga nagpabilin nga epektibo ang four-day workweek arrangement.(IKEN B. GULLEM)
Source: Dapitan City Government