Usa ka trahedya ang nahitabo sa Barangay Tulay, Minglanilla, Cebu, gabii sa Pebrero 24, 2025, diin usa ka batang babaye ang namatay human maligsan sa usa ka trailer truck.
Ang biktima, nailhan nga si Alyas Jean, 8- anyos, usa ka residente sa Barangay Basak Pardo, Dakbayan sa Sugbo.
Sa imbestigasyon sa Minglanilla Police Station nasayran nga gikan sa Dakbayan sa Naga sila si alyas Jerome, 34 anyos ug sakay niya si Jean.
Samtang nagpadayon sa ilang biyahe, si Jerome napugos nga mopadaplin sa dalan tungod sa usa ka nakaparking nga motorsiklo. Apan sa ilang paglikay, nawagtangan siya og balanse hinungdan sa ilang pagkatumba. Si Jean nalagpot sa daplin sa highway ug didto na siya naligsan sa nagasunod nga trailer truck.
Ang drayber sa maong truck, nga nailhan nga si Jorlie Anding Calunod, kasamtangang anaa sa kustodiya sa kapulisan samtang nagpaabot sa desisyon sa pamilya sa biktima. (Renante Socia Lada)