Nakabsan gyud sa kinabuhi ang usa ka Barangay Konsehal ug kandidato sa pagka kapitan human gipusil sa wala matino na suspetsado.
Ang pagpamusil nahitabo pasado alas 4:00 kagahapon sa hapon, Oktobre 5, 2023, didto sa National Highway, Barangay Prenza, lungsod sa Balamban, probinsya sa Sugbo.
Ang biktima giila sa Balamban Police Station nga mao si Anastacio Pacquiao, 60 anyos ang panuigon, residenti sa Sitio Goya, Brgy Prenza, sa naasoy nga lungsod.
Sa inbestigasyon sa kapulisan nga samtang sakay ang biktima sa iyang motorsiklo paingon sa lungsod gisundan kini sa riding in tandem dayon pag-abot sa naasoy nga lugar gipusil kini sa makadaghang higayon na maoy hinungdan sa iyang kamatayon.
Mahimunduman nga ni file sa iyang COC si Konsehal Pacquiao ug buot magpapili pagka kapitan sa Barangay Cansumuroy sa nahisgutan na lungsod karong umaabot na Barangay ug Sangguniang Kabataan Elections.
Sa pagkakaron padayon ang lawom nga inbestigasyon sa pagpusil patay sa konsehal aron pagsuta sa motibo sa maong krimin. (Renante Socia Lada, photo credits to the owner)