Usa ka aksideti sa pagkahunlak sa koral sa usa ka Subdivision didto sa Sitio Kalma, Barangay Tisa, Cebu City ang nahunlak ang riprap nga pader sa Deca Homes.
Ang 49-anyos nga si Liberato Batin nakuha sa mga rescuers alas 12:32 sa kaadlawon karong Disyembre 2, 2024. Siya giluwas ug gidala dayon sa Cebu City Medical Center (CCMC) alang sa medikal nga atensyon.
Ang iyang asawa nga si Elisa Batin, 47-anyos, nakalas human sa pipila ka oras nga pag rescue.
Ang magtiayon nanihapon pasado alas-7:00 sa gabii niadtong Disyembre 1 samtang nagbunok ang kusog nga uwan nga maoy hinungdan sa pagkatumba sa pader.
Ang upat ka anak sa magtiayon nga may mga pangidaron nga 20, 17, 12, ug 9 anyos, wala ra naunsa ug luwas gikan sa maong insidente.
Ang Cebu City Disaster Risk Reduction and Management Office (CCDRRMO) maoy nagdumala sa maong operasyon uban ang tabang sa uban pang mga ahensya. (Renante Socia Lada)
(Source: Cebu City PIO/CCDRRMO)