Cebu: Bag-ong nilingkod nga acting mayor sa dakbayan sa Sugbo gusto og mahigala-on nga relasyon sa mga ahensya sa goberno

0
8
photo courtesy of Cebu City PIO

Kagahapong adlawa Mayo 13, 2024 nilingkod isip acting mayor sa siyudad sa Sugbo si Raymond Alvin Garcia.

Si Acting Mayor Garcia maoy mudumala sa kagamhanan sa siyudad sa Sugbo sulod sa 6 ka bulan, human gipaubos sa unom ka bulan nga preventive suspension si suspended Mayor Michael Rama.

Nipahigayon dayon og panagtagbo ang acting mayor sa mga pangulo sa nagkadaiyang mga departamento sa Cebu City Hall, diin tinguha niini ang usa ka mahigalaon nga relasyon sa mga ahensya sa goberno, maayo nga kumunikasyon ug kooperasyon.

Nagtoo si Garcia nga ang diplomasiya maoy nag-unang pamaagi sa pagsulbad sa mga nagkadaiyang mga issue.

Gusto usab sa acting mayor nga mamahimong magmabungahon ang mga empleyado sa Cebu City Hall sa ilang tagsa-tagsa ka mga buhatan.

“He also highlighted the importance of treating each government agency with respect, underscoring that it would lead to better communication and cooperation between government agencies,” segon sa Cebu City PIO.

“Please ayaw intawon mo pang-intriga. Not me and not Mayor Mike. Remember, I am the chief executive now. The accountability rests on my shoulders,” pamahayag ni acting mayor Garcia.

Daghan ang nisalig ug nagtoo nga ma sulbad ni acting mayor Garcia ang mga nag-unang problema sa dakbayan sa Sugbo. (Renante Socia Lada)

(Source: Cebu City PIO)

Leave a Reply