- Advertisement -
Nakabsan gyud sa iyang kinabuhi ang usa ka Badjao human gipusil sulod sa iyang pinuy-anan.
Ang pagpamusil nahitabo, Biyernes sa kadlawon, Marso 10, 2023, didto kini sa Sitio Naba, Barangay Mambaling, Siyudad sa Sugbo.
Ang biktima giila sa Mambaling Police Station nga mao si Sayid kan Siyang, 24 anyos ang panuigon.
Sa imbestigasyon nga gihimo sa Cebu City Police Office Station-11, nasayran nga gisulod sa ang biktima sa iyang balay samtang natulog kini.
Naka angkon og daghang samad pinusilan si Siyang nga maoy iyang gikamatyan.
Sa pagkakaron gihimo pa ang dugang imbestigasyon aron masayran kung unsay motibo sa maong krimin ug si kinsa ang nihimo niini. (Renante Lada, photo credits to the owner)
- Advertisement -