Nagkatigom ang mga foreign ug economic ministers sa mga nasud nga miyembro sa ASEAN atol sa ASEAN Joint Foreign and Economic Ministers’ Meeting aron hisgutan ang mga prayoridad sa seguridad ug ekonomiya tali sa mga nasud sa rehiyon.
Tumong sa maong tigom ang pagpalig-on sa koordinasyon sa mga isyu nga may kalabotan sa trade, seguridad ug kalig-on sa rehiyon samtang nag-atubang ang kalibotan sa paspas nga kausaban sa ekonomiya ug politika.
Gihisgotan usab sa mga lider kung unsaon pagpabiling nagkahiusa ug andam ang ASEAN sa pag-atubang sa mga hagit nga makaapekto sa ekonomiya ug panginabuhi sa katawhan sa mga miyembro nga nasud.
Matod sa mga opisyal, importante ang panaghiusa ug maayong koordinasyon aron mapadayon ang kalinaw, lig-on nga ekonomiya ug maayong relasyon sa mga nasud sakop sa ASEAN.
Kabahin kini sa padayong paningkamot sa ASEAN aron mahimong mas responsive ug forward-looking sa pag-atubang sa mga isyu ug hagit sa rehiyon ug sa tibuok kalibotan.
Source: PCO
I via Renante Socia Lada