Nakabsan sa kinabuhi ang usa ka inahan samtang naangol usab ang bana ug anak sa disgrasya sa motorsiklo.
Didto kini nahitabo sa Nasudnong Dalan, Barangay Langtad, siyudad sa Naga, Sugbo, pasado 1:00 kagahapon sa hapon, Mayo 18, 2024.
Ang nakalas giila sa Naga City Police Station nga mao si Mildred Canque Arado, 44 anyos, menyo, ug ang mga nangaangol mao sila si Benjie Arado 47 anyos ug ang 3 anyos nga batang babaye, pulos sila residenti sa Barangay Inoburan, sa naasoy na siyudad.
Sa imbestigasyon sa kapulisan sa dakbayan sa Naga, nasayran nga ang mga biktima luwan sa usa ka motorsiklo nga padulong sa siyudad sa Sugbo sa dihang na tapsingan sila usa ka Elf nga nagsunod kanila, nga gimaniho ni Julito Soledad Rabaca, hingkod ang panuigon.
Nahandos ang mga biktima sa pikas linya nga nadasmag sa Fuso truck nga gimaniho ni Jaime Tumabine.
Sa kakusog sa pagkalagpot ug pagkabunal sa kalsada nakalas ang inahan atol sa ilang annibersaryo sa kasal.
Sa pagkakaron padayong gitanggong ang mga suspetsado na drayber samtang gihimo pa ang panagsabot-sabot sa duha ka habig. (Renante Socia Lada)