Nadakpan sa kapulisan ang usa ka armadong suspek sa Sitio Kangit-ngit, Barangay Tisa, Cebu City kagahapon Abril 26, 2026, alas 1:30 sa hapon, human sa paspas nga responde sa report bahin sa armadong tawo.
Ang operasyon gipahigayon sa Special Drug Enforcement Unit (SDEU) sa Police Station 10 ubos sa pagpanguna ni PCAPT Joel G. Dela Cerna. Nadakpan ang suspek pinaagi sa “plain view” human makit-an sa iyang pagpanag-iya ang usa ka .22 caliber revolver nga walay serial number ug adunay usa ka buhing bala.
Sa pagkakaron, ang nadakpan nga indibidwal anaa na sa kustodiya sa Police Station 10 alang sa hustong dokumentasyon ug pagpasaka sa kaso sa korte.
Sumala sa Cebu City Police Office, ang paspas nga aksyon sa kapulisan nagpakita sa ilang lig-on nga paningkamot sa pagpanalipod sa publiko ug pagbatok sa ilegal nga armas.
Gipasiugda usab nga ang maong operasyon kabahin sa padayon nga kampanya batok sa paglapas sa Republic Act 10591 aron masiguro nga manubag ang mga molapas sa balaod ug mapadayon ang kalinaw sa komunidad.
Source: CCPO
I via Renante Socia Lada