Ang Cebu City Police Office hugot na gepangulohan ni PCOL GEORGE V YLANAN, OIC, padayong nagpakusog sa ilang operasyon batok sa mga armadong indibidwal ug ilegal nga armas aron masiguro ang kaluwasan sa komunidad.
Sa Marso 6, 2026, mga alas 3:00 sa kadlawon, ang mga personahe sa Police Station 11, Cebu City Police Office (CCPO) nakadawat og tawag gikan sa usa ka nagpakabana nga lungsuranon nga nagtaho sa usa ka armadong indibidwal sa Ma Gotchan, Brgy. Mambaling, dakbayan sa Sugbo. Sa pagtubag sa alarma, ang mga personahe sa na asoy na estasyon, ni respondi sa alarma nga pinangulohan ni PCAPT JERRIC ALLAN M ARELLANO ubos sa pagdumala ni PMAJ MICHAEL JOHN M ARANDIA, OIC. Ang CMFC operation team nga pinangulohan ni PCPT NOAH AÑANA, nakiglambigit sa alarma ubos sa mga giya ug direksyon ni PLTCOL FERDINAND CASIANO, Force Commander.
Sa pag-abot, nakita sa mga kapulisan ang usa ka tawo nga katumbas sa paghulagway nga gihatag sa nanawag. Dihang giduol, ang suspek nikuha og armas, hinungdan nga gidali sa kapulisan sa pagpugong ug gibuntog kini. Ang operasyon miresulta sa pagkasikop sa suspek. Nahibaw-an usab nga ang suspek usa ka ex-convict.
Narekober gikan sa suspek ang usa (1) ka unit .38 caliber revolver nga walay serial number, puno sa tulo (3) ka buhing bala. Gibutyag usab sa imbestigasyon nga ang suspek gikataho kaniadto nga armado sa N. Bacalso Avenue, Cebu City.
Ang suspek gipahibalo sa kinaiya sa sala ug gipahibalo sa iyang mga katungod sa konstitusyon, lakip ang iyang mga katungod ubos sa Anti-Torture Law, sa usa ka diyalekto nga hingpit niyang nasabtan. Gidala dayon siya sa Police Station 11 alang sa saktong disposisyon sa kaso.
Source: CCPO
I via Renante Socia Lada