Nakapahigayon ang Talisay City Police Station og search warrant batok sa paglapas sa Republic Act No. 10591 o Firearms and Ammunition Law. Niadtong nakalabay na adlaw, nakumpiskar nila ang usa ka unlicensed nga baril ug tulo ka buhi nga bala sa Sitio Catican, Barangay Tapul, Talisay City, Cebu.
Ang operasyon gi-target si alias “Jonel,” 26 anyos, Pilipino, nga nagpuyo sa maong lugar ug nag-uban sa iyang live-in partner. Apan, wala siya sa balay sa panahon sa search ug karon padayon nga nag tago-tago samtang gipadayon ang follow-up operations aron madakop siya.
Ang search warrant gipagawas niadtong Pebrero 20, 2026 sa Executive Judge sa RTC Branch 7. Sa operasyon, nakumpiskar ang usa (1) ka .38 caliber revolver nga walay serial number ug markings ug tulo (3) ka live bala para sa maong armas. Ang search gihimo uban sa elected barangay official sa Barangay Tapul ug sa inahan sa suspetsado aron masiguro ang transparency ug legal nga proseso.
Gidayeg ni PCOL Abubakar Udang Mangelen Jr., Provincial Director sa Cebu Police Provincial Office, ang operating personnel sa ilang paspas ug husto nga aksyon. Matud niya, ang malampusong operasyon nagpakita sa dedikasyon sa kapulisan sa pagtangtang sa loose ug unlicensed firearms ug sa pagpalig-on sa seguridad sa komunidad.
Nakapahimutang na og kaso batok kang alias “Jonel” tungod sa paglapas sa RA 10591. Padayon ang follow-up operations sa kapulisan aron masiguro ang iyang pagkadakop ug aron mapadayon ang kalinaw ug seguridad sa Talisay City.
Source: CPPO
I via Renante Socia Lada