Cebu City- Ipa imbestiga sa Anti-Kidnapping Group Visayas Field Unit (AKG-VFU) ang nagpakatap ug sayop nga mga impormasyon sa social media kabahin sa giingong kidnapping sa rehiyon.
Gibutyag ni AKG-VFU Police Lieutenant Zosimo Rabanes Jr. nga nakig alayon na siya sa hingtungdang ahensya sa goberno nga maoy mo imbestigara sa pagpakatap.
Naghangyo usab sila nga kung adunay nahitabo nga pagpang dagit mo taho sa mga nagkadaiyang ahensya sa goberno og likayan ang pagpost sa social media nga maka mugna og kahadlok sa publiko.
Gitataw ni Ravanes Jr. nga ang mga hulagway nga gipang post sa social media susama ra usab sa gipang post niadtong nakalabay nga katuigan nga walay basihanan.
Matod pa ang maong mga gipangpost sa facebook nga adunay gipang kidnap walay kapasikaran,
busa nag awhag ang Anti-Kidnapping group nga dili kini tuhuan ug kung aduna may kasayuran sa pag kidnap mudangop sa mga otoridad.
Apan ang AKG-VFU wala gihapon nag kumpyansa ug kanunay nga andam sa bisan unsan nga pagpangidnap.
Ning pagbukas sa klasi kanunay nagpahimanglo ang kapulisan nga sundon ang mga safety tips aron kanunay nga luwas ug dili usab magsuot sa mga mahalon nga butang nga maoy target sa mga dautang elemento sa katilingban.
Samtang, giklaro ni Cebu City Councilor Philip Zafra nga walay reported incidents sa kidnapping o abduction sa syudad sa Sugbo taliwa sa mga reports nga mikatap sa social media.
Gi-awhag ni Zafra ang publiko pag report dayon sa bisan unsang insidente ngadto sa Philippine National Police kay sa igo lang i post online.
l via Jhon Tadlip Jr. and Renante Lada
Source/Photo: Anti-Kidnapping Group-Visayas Field Unit
