Nalapunos ti layus ti sentro ti siudad ti Batac Ilocos Norte gapu iti awan sarday na a panagtudtudo gapu iti bagyo florita.
Naglepyas ti quiaoit river a rason a nakalayusan dagiti barbarangay iti sentro.
Kuna ni mayor Albert Chua a gapu iti kinababa ti clearance ti rangtay iti sentro isut gapun a saan a napintas ti panagayus ti danum isu a naglepyas a nagturong kadagiti kabalbalayan.
Mainaig iti daytoy pinasyar metten ni Gobernador Mathew Marcos Manotoc ti nasao a siudad kaadoan ti nadadael a rangtay iti baranggay badio ili ti Pinili Ilocos Norte.
Imbilin met ti gobernador iti provincial social office iti pannakaipaay ti relief goods kadagiti apektado nga umili.
Author: Rod Sadian
Source: LGU Batac City