Nagbuy-od nga wla nay kinabuhi ang amahan ug anak daplin sa karsada human gipamusil sa riding in tandem.
Ang pagpamusil nahitabo pasado alas 5:00 kagahapon sa hapon, Hulyo 18, 2023, didto sa Sitio Bokyol, Barangay Poblacion 3, sa siyudad sa Carcar.
Giila ang mga biktima sa Carcar City Police Station nga mao sila si Junie Barcenilla ug Randel Barcenilla, puros hingkod and panuigon, residenti sa Barangay Sacsac lungsod sa Aloguinsan, probinsya sa Sugbo.
Sa pasiunang inbestigasyon sa kapulisan sa maong dakbayan nasayran ang amahan ug anak luwan sa usa ka motorsiklo na mupauli na unta sa ilang lugar.
Pag abot na nila sa naasoy nga dapit gipamusil sila sa nagsunod nila nga riding in tandem nga naigo sa nagkadaiyang parti sa lawas na maoy hinungdan sa ilang kamatayon.
Ang kapulisan nagpaubos pa sa background check sa mga biktima aron pagsuta kung wla ba silay gikaaway o kaha gikalambigit nga illegal nga binuhatan. (Renante Lada, photo credits to the owner)